Newyddion - TAG

19 Ionawr 2012

Cyflwyniad i Fwrdd Da Byw NFU Cymru

Ar yr 8fed o Ragfyr 2011 rhoddwyd cyflwyniad am brosiect TAG i Fwrdd Da Byw NFU Cymru mewn cyfarfod misol. Mae’r bwrdd yn cynnwys aelodau sydd wedi eu hethol o wahanol siroedd yng Nghymru.   Prif bwrpas y cyflwyniad oedd cyfarwyddo aelodau o’r bwrdd gydag amcanion y prosiect aa rhoi gwybod iddynt am y datblygiadau diweddaraf.. Y prif ddatblygiadau o ddiddordeb i’r bwrdd oedd:   Effeithiolrwydd a chywirdeb darllenydd EID mewn lladd-dy ŵyn Dibynadwyedd tagiau EID Dibynadwyedd offer EID   Esboniodd Cyfarwyddwr y prosiect fod TAG yn cael ei ystyried fel prosiect peilot gyda strwythur dyrys sydd yn cynnwys nifer o bartneriaid o fewn y diwydiant. Ychwanegodd bod y prosiect wedi ei sefydlu mewn cyfnod lle bu gwrthwynebu mawr i gyflwyniad EID fel rhan o reolau traws gydymffurfio.

21 Rhagfyr 2011

Ymweliad Swyddogion o Lywodraeth Kosovo

Ddydd Mawrth yr 11eg o Dachwedd bu tîm rheoli TAG yn gwesteio cynrychiolaeth o swyddogion llywdoraeth o Kosovo. Pwrpas yr ymweliad oedd trosglwyddo gwybodaeth yn y maes olrhain defaid, gan fod Kosovo bellach yn cofrestru da byw a daliadau da byw wedi sawl blwyddyn o aflonyddwch oherwydd gwrthdaro milwrol. Ymwelwyd â safle Dunbia yn Llanybydder, lle amlinellodd Paul Edwards, Rheolwr Gyfarwyddwr Dunbia Cymru, y diwydiant prosesu yn y DU, ac yna cafwyd taith o amgylch y ffatri, ble mae darllenydd rhes EID yn cael ei ddefnyddio yn yr adran dderbyn stoc. Cafwyd trafodaeth ddwys gyda Milfeddyg Swyddogol yr Asiantaeth Safonau Bwyd am ei dyletswyddau yng nghyd-destun olrhain anifeiliaid, a iechyd a lles anifeiliaid o fewn yr adran dderbyn. Mae’r diwydiant prosesu yn Kosovo wedi ei ddifrodi, dau safle’n unig sydd yn weithredol erbyn hyn, ac mae strategaeth ailadeiladu yn cael ei datganoli.

03 Awst 2011

Hyfforddiant grŵp Farm Wizard

Fe gynhaliwyd noson o hyfforddiant ar y 15fed o Fehefin gyda rhai o ffermyr 'tier 1' prosiect TAG ar fferm Llandre, Pumsaint. Fel rhan o'r noson fe gafwyd arddangosiad o'r rhaglen meddalwedd Farm Wizard gyda chyfle i'r ffermwyr i ehangu ei gwybodaeth o'r rhaglen. Fe annogwyd y ffermwyr trwy drafod gyda aelod staff o Farm Wizard i argymell ffyrdd o wella'r rhaglen i ateb ei gofynion nhw. Mae'r argymhellion yma wedi cael ei cyfleu yn ôl i staff Farm Wizard sy'n edrych ar ôl datblygu'r rhaglen. Fe fydd hyfforddiant tebyg yn cael ei gynnal trwy gydol y prosiect.

24 Chwefror 2011

Ymweliad â chanolfan ddosbarthu Sainsbury's

Cafodd rhai o ffermwyr prosiect TAG gyfle i ymweld ag un o ganolfannau dosbarthu Sainsbury’s fel rhan o ddiwrnod a drefnwyd er mwyn codi ymwbyddiaeth y ffermwyr o'r hyn sydd yn digwydd yr ochr arall i'r gadwyn gyflenwi.  Cychwynodd y diwrnod yng Ngwesty’r Falcondale, Llambed lle cafwyd cyflwyniadau gan Alison Jones sy’n aelod o dîm amaethyddol Dunbia, a Sue Henderson o Sainbury’s. Roedd y cyflwyniadau yn esbonio’r gwaith y mae Dunbia a Sainsbury’s yn ei wneud yn ogystal â’r hyn a wneir i adeiladu perthynas gref gyda’u cyflenwyr. Cafwyd esboniad o’r cyfleon a’r gwasanaethau sydd ar gael i’r ffermwyr sy’n cyflenwi Dunbia.  Ail ran y diwrnod oedd arddangosfeydd gan ddau o gigyddion Dunbia yng nghanolfan brosesu Dunbia Llanybydder, o’r hyn a ellir ei wneud gyda charcas oen. Fe dorrwyd nifer o wahanol ddarnau o gig oen gan ddangos y gwahanol fanylebau y mae Sainsbury’s yn dymuno eu cael ar gyfer eu cwsmeriaid.