Darperir ganmenter a busnes
 Darperir gan
menter a busnes

Newyddion - Cyswllt Ffermio

Home » News

10 Mai 2012

Silwair o Safon

Caiff perfformiad a chostau’r gaeaf ar gyfer da byw a gedwir i mewn eu llywio gan ansawdd y silwair sy’n cael ei borthi. Ansawdd glaswellt ar gyfer silweirio Mae yna lawer o bethau y gallwn eu rheoli i wella ansawdd silwair: maetholion pridd, ansawdd gwndwn, dyddiadau cau a thorri, tail anifeiliaid, dulliau cynaeafu a silweirio, storio a phorthiant. Mae ansawdd glaswellt pan gaiff ei dorri yn allweddol o ran cynhyrchu silwair o ansawdd uchel, wedi’i dwymo’n dda ac sy’n sefydlog. Mae’r ail fwletin Silwair - porthiant da yn dwyn ffrwyth hwn yn rhoi canlyniadau o fferm laeth tir isel, a fferm cig eidion a defaid organig sy’n tyfu gwndwn rhygwellt Eidalaidd meillion coch yn ei hail flwyddyn. Fel aiff y tymor yn ei flaen bydd samplau o ffermydd uchderau uwch a rhai â dyddiadau torri hwyrach yn cael eu cynnwys.

27 Ebrill 2012

Silwair o Safon

Caiff perfformiad a chostau’r gaeaf ar gyfer da byw a gedwir i mewn eu llywio gan ansawdd y silwair sy’n cael ei borthi. Ansawdd glaswellt ar gyfer silweirio Mae yna lawer o bethau y gallwn ei reoli i wella ansawdd silwair: maetholion pridd, ansawdd gwndwn, dyddiadau cau a thorri, tail anifeiliaid, dulliau cynaeafu a silweirio, storio a phorthiant. Mae ansawdd glaswellt pan gaiff ei dorri yn allweddol o ran cynhyrchu silwair o ansawdd uchel, wedi’i dwymo’n dda ac sy’n sefydlog. Mae’r bwletin Silwair - porthiant da yn dwyn ffrwyth cyntaf hwn yn rhoi canlyniadau o fferm laeth tir isel, fel aiff y tymor yn ei flaen bydd samplau o ffermydd gwartheg a defaid ac o diroedd uwch yn cael eu cynnwys. Canlyniadau 'Prawf Glaswellt ar gyfer silwair' GDC (16 Ebrill 2012) Cnwd

11 Ebrill 2012

Cynllunio at eich dyfodol trwy olyniaeth y fferm

Mae cynllunio'r olyniaeth ar fferm yn gallu bod yn anodd ac yn straen, ond mae'n bwnc pwysig y dylech roi sylw iddo. Gwell meddwl amdano nawr fel bod pawb yn gwybod beth i’w ddisgwyl pan fyddwch yn ymddeol neu rhag ofn y bydd yn rhaid ichi roi’r gorau i ffermio oherwydd anaf, salwch neu reswm arall. Yn wahanol i lawer o fusnesau eraill, mae ffermydd fel arfer yn pasio i aelod arall o’r teulu. Gallai hynny fod yn anodd os oes gennych fwy nag un plentyn a heb gynllun ar gyfer yr olyniaeth. Mae pwy sy’n etifeddu’r fferm yn gallu creu tensiynau teuluol. Mae’n bosibl mai’r plentyn sy’n etifeddu’r fferm yw’r unig un fydd yn cael unrhyw elw ariannol o etifeddiaeth y teulu. Ond mae ffyrdd creadigol o rannu’ch fferm rhwng eich plant heb orfod rhannu’r fferm yn ddarnau rhy fach i fod o werth.

30 Mawrth 2012

Academi Amaeth yn anelu i ysbrydoli'r genhedlaeth nesaf o Entrepreneuriaid Gwledig

Mae Cyswllt Ffermio yn chwilio am 12 o ffermwyr blaengar o bob cwr o Gymru i ymuno â’r Academi-Amaeth – rhaglen arloesol sy’n anelu i gefnogi ac ysbrydoli y genhedlaeth nesaf o entrepreneuriaid amaethyddol ac arweinwyr gwledig. Dywedodd Eirwen Williams, Cyfarwyddwr Rhaglenni Gwledig Menter a Busnes, sy’n gyfrifol am ddarparu gwasanaeth cefnogol i ffermwyr ar ran Cyswllt Ffermio, fod yr Academi – sy’n rhedeg yn 2012 a 2013 – yn darparu gwybodaeth a chyfle i ffermwyr er mwyn datblygu eu potensial a chynllunio ar gyfer datblygu eu busnesau yn y dyfodol, ac i wynebu sialensau y diwydiant amaeth yn y blynyddoedd a ddaw.  “Bydd yr Academi Amaeth yn cefnogi datblygiad personol trwy gyfres o weithdai, seminarau ac ymweliadau.â€

13 Mawrth 2012

Cyn hir, rhaid llenwi pob ffurflen TAW ar-lein

Rhaid i bawb sydd wedi'i gofrestru i dalu TAW (gan gynnwys ffermwyr) gyflwyno ei ffurflenni TAW o'r gwanwyn hwn ymlaen ar-lein.   Ar hyn o bryd, dim ond busnesau sydd newydd eu cofrestru a'r rheini sy'n gwneud mwy na £100,000 sy'n gorfod cyflwyno eu TAW ar-lein a thalu'n electronig.  Mae pawb arall yn cael cyflwyno ffurflen bapur i'r HMRC.   O fis Ebrill, bydd hynny'n newid pan fydd yr 1.9 miliwn o fusnesau ym Mhrydain sy'n talu TAW yn gorfod cyflwyno'u ffurflenni TAW ar-lein a thalu'n electronig, ar gyfer y cyfnod cyfrif sy'n dechrau ar 1 Ebrill 2012.   Bydd pob busnes sy'n talu TAW heb gyflwyno ffurflen ar-lein yn cael llythyr gan Cyllid a Thollau ei Mawrhydi (HMRC) ym mis Chwefror i ddweud wrthyn nhw am y newid a beth sy'n rhaid iddyn nhw ei wneud.  

23 Chwefror 2012

Y wybodaeth ddiweddaraf ar firws Schmallenberg

Mae'r wybodaeth ddiweddaraf ar firws Schmallenberg ar gael ar wefan DEFRA: http://vla.defra.gov.uk/science/sci_schmallenberg.htm

13 Ionawr 2012

FiT for FARMING

Mi fydd Cyswllt Ffermio yn mynychu digwyddiad FiT for FARMING ar y 26ain Ionawr 2012 ar Faes y Sioe Frenhinol, Llanelwedd Mae’r Tariff Cyd-lenwi Trydan a Cymhelliad Gwres Adnewyddadwy yn golygu bod perchnogion tir sydd yn buddsoddi mewn technolegau ynni adnewyddiadwy yn medru hawlio taliadau ar gyfer y trydan a’r gwres maent yn cynhyrchu. Ond, i’r rhai hynny sydd â prinder amser, mae’n gallu bod yn anodd i ymrwymo’r amser er mwyn asesu’r cyfleoedd, dewis y technolegau gorau a’r cyflenwyr mwyaf addas. Mae’r digwyddiad ‘Fit for Farming’, sydd wedi ei gefnogi gan y CLA a NFU Cymru, yn cynnig cyfle i ffermwyr sydd yn meddwl am osod system ynni adnewyddadwy i drefnu cyfarfodydd gyda chwmnïoedd perthnasol er mwyn creu rhestr fer o gwmnïoedd bosib i weithio gyda.

27 Tachwedd 2011

Grŵp trosglwyddo gwybodaeth merched yn unig gyntaf Cyswllt Ffermio i gyfarfod y Dirprwy Weinidog yn y Ffair Aeaf

Bydd y Dirprwy Weinidog ar gyfer Materion Gwledig, Alun Davies yn cyfarfod grŵp trosglwyddo gwybodaeth merched yn unig Gyswllt Ffermio - Merched y Maes - yn y Ffair Aeaf eleni am 2yh dydd Llun, 28 o Dachwedd.  Bydd y Dirprwy Weinidog yn cyfarfod y grŵp o Frycheiniog ar stondin Llywodraeth Cymru yn Neuadd Dde Forgannwg. Mae’r Rhaglen Trosglwyddo Gwybodaeth, sy’n cael ei weithredu gan Menter a Busnes ers Medi’r cyntaf, wedi cael ei ddatblygu i gynorthwyo’r diwydiant amaeth yng Nghymru i ymelwa ar y wybodaeth wyddonol ddiweddaraf er mwyn mynd i’r afael gyda heriau’r presennol a’r dyfodol i sicrhau bod busnesau fferm yng Nghymru yn cael eu cefnogi i gyrraedd eu potensial.

15 Tachwedd 2011

Nodi llwyddiant Agrisgôp gyda digwyddiadau i ddathlu ac ymgyrch recriwtio

Gwahoddir ffermwyr a choedwigwyr ar draws Cymru i fynychu dau ddigwyddiad i ddathlu Agrisgôp fydd yn rhoi blas i ffermwyr a choedwigwyr am sut mae cynllun rheolaeth Cyswllt Ffermio, sydd wedi’i ariannu yn llawn, yn cynorthwyo busnesau ar hyd Cymru i fod yn gynaliadwy.  Bydd y digwyddiadau yn ran o ymgyrch recriwtio i ddenu aelodau i ymuno a sefydlu grwpiau Agrisgôp newydd.  Bydd lluniaeth ysgafn ar gael yn y ddau ddigwyddiad. 1.30yh – 5yh,  Tachwedd 25 Digwyddiad Dathlu Agrisgôp, Halfway Inn, Nantgaredig, SA32 7NL  Siaradwr gwadd: ffermwr a dyn busnes Nigel Evans sy’n rhedeg ei fusnes twristiaeth a fferm odro a chyfarwyddwr Evanridge Properties.  Mae Nigel hefyd yn gyfarwyddwr First Milk, cydweithfa llaeth mwyaf Prydain a bydd yn siarad am ei daith o redeg palwr godro yng Nghymru i fod yn reolwr gyllid llwyddiannus.

08 Tachwedd 2011

Diwrnod agored Cyswllt Ffermio yn edrych ar reoli gwartheg sych yn effeithiol

Mae Cyswllt Ffermio yn gwahodd ffermwyr yn ardal Wrecsam i ddiwrnod agored i ddysgu mwy am reoli gwartheg sych yn effeithiol.  Bydd y diwrnod agored yn cael ei gynnal yn Neuadd Shordley, Hope, Wrecsam, LL12 9RT am 11yb dydd Iau’r 24 o Dachwedd.  Mae’r digwyddiad yn cael ei gynnal drwy garedigrwydd y Teulu Pilkington. Mae Neuadd Shordley yn gartref i fuches Holstein Aintree, sy’n enwog am ei geneteg bridio.  Mae 200 o fuchesau godro gydag olynyddion bridio yn cael eu cadw ar y fferm gyda gwartheg bîff, 250 o ddefaid a 170 acer o dir âr. Yn ystod gwaith milfeddygol rheolaidd, sylweddolwyd bod cyfraddau beichiogi yn disgyn a’r cyfnod lloeau i feichiogi yn cynyddu.  Gweithiodd Owen Tunney BVMS, MRCVS o Grŵp Milfeddygon Willows gyda Richard Pilkington i ystyried yr amodau gyda’r fuches a materion yn gysylltiedig gyda rheoli’r fuches sych, fydd yn prif bwnc yn ystod y diwrnod agored.

Mae Cyswllt Ffermio wedi’i ariannu gan y Rhaglen Dabtblygu Gwledig i Gymru 2007 - 2013. Mae hwn yn cael ei ariannu gan Llywodraeth Cymru a’r Undeb Ewropeaidd.