16 Tachwedd 2011
Mae cynhyrchwyr bwyd lleol wedi helpu i sicrhau £1.5m mewn gwerthiant dros y flwyddyn ddiwethaf i fanwerthwr llwyddiannus yng Ngogledd Cymru.
Helpodd Alun Davies, Dirprwy Weinidog Amaethyddiaeth, Bwyd a Physgodfeydd i ddathlu'r llwyddiant yma pan ymwelodd a stôr Eurospar yn Nolgellau lle cyfarfu â chynhyrchwyr.
Perchennog storau Eurospar yn Nolgellau a Blaenau Ffestiniog a stôr Spar ym Mhwllheli yw'r entrepreneur llwyddiannus Conrad Davies, a gafodd ei enwi’r mis diwethaf yn Bencampwr Gwobrau Bwyd a Diod Cymru y Gwir Flas 2011-12 am ei gyfraniad at ddiwydiant bwyd a diod Cymru.
Y storau yn Nolgellau a Blaenau Ffestiniog oedd y cyntaf yng Nghymru i gario brand elite EUROSPAR ddwy flynedd yn ôl, a chafodd y stôr yn Nolgellau ei henwi'n Archfarchnad y Flwyddyn yng Ngwobrau Bwyd a Diod Cymru y Gwir Flas 2010-11 a gaiff eu rheoli gan Lywodraeth Cymru.
