Diweddariadau: Cipolwg ar

30 Hydref 2012

Prif gynhyrchwyr Cymru yn cael eu hannog i anelu’n uwch yng Ngwobrau Cymru: y Gwir Flas

Mae’r cynhyrchwyr bwyd a diod gorau o bob rhan o Gymru wedi cael clod a bri yng Ngwobrau Cymru: y Gwir Flas, yr unfed ar ddeg yn hanes y gystadleuaeth. Pencampwr y Gwir Flas eleni yw Robin Jones o’r Village Bakery, Coedpoeth, Wrecsam – ac mae’n annog ei gyd-gynhyrchwyr i wneud yn fawr o’u llwyddiant. Mae Robin yn perthyn i’r drydedd genhedlaeth o bobwyr yn y teulu.

• Darllen mwy

19 Medi 2012

Cynhyrchwyr o Gymru ar y Ffordd i Ffair Fwyd a Diod Arbenigol

Mae Cynhyrchwyr bwyd a diod o Gymru ar eu ffordd i Lundain ar gyfer un o ddigwyddiadau blynyddol pwysicaf y diwydiant bwyd yn y DU, sef y Speciality & Fine Food Fair (2-4 Medi).   Bydd ystod eang o gynhyrchwyr bwyd a diod o Gymru yn mynychu’r digwyddiad yn Olympia dan fantell brand Cymru y Gwir Flas Llywodraeth Cymru.   Bellach yn ei thrydedd blwyddyn ar ddeg, mae’r Speciality & Fine Food Fair yn denu mân-werthwyr a phobl o’r diwydiant lletygarwch sy’n chwilio am gynnyrch lleol a rhanbarthol o safon uchel gyda tharddiad penodol, gan gynnwys delicatessens, siopau fferm, mân-werthwyr annibynnol, caffis, bwytai a chyfanwerthwyr.   Dywedodd Alun Davies, Dirprwy Weinidog Amaethyddiaeth, Bwyd a Physgodfeydd:   “Mae’r Speciality & Fine Food Fair yn ddigwyddiad pwysig ar gyfer cynhyrchwyr bwyd a diod o Gymru ac rwy’n falch iawn bod cymaint o gwmnïau o Gymru yn cymryd rhan yn y digwyddiad hwn.”

• Darllen mwy

14 Medi 2012

Academi Amaeth - Busnes ac Arloesedd 2012

Academi Amaeth : Rhaglen Busnes ac Arloesedd 2012 Mae grŵp o ffermwyr arloesol ledled Cymru wedi cael eu sialens gyntaf – dylunio cynllun gweithredu ar gyfer fferm da byw yn Sir Benfro. Y grŵp o 11 yw’r rhai cyntaf i fod yn rhan o Raglen Busnes ac Arloesedd yr Academi Amaeth, menter a ddatblygwyd  gan Cyswllt Ffermio. Y bwriad yw ysgogi a herio rhai o’r unigolion mwyaf disglair ym myd ffermio yng Nghymru, a chynhaliwyd y penwythnos cyntaf o weithgareddau yng Ngorllewin Cymru.  Roedd yr amserlen yn cynnwys ymweliadau â Chaws Cenarth a Tesco Caerfyrddin i astudio agweddau ar y gadwyn gyflenwi fwyd modern, a’r gweithgaredd olaf ar y dydd Sadwrn oedd ymweliad â Trebover Farm, menter da byw yn ymyl Abergwaun sy’n cael ei rhedeg gan Randal a Christy Williams.

• Darllen mwy

27 Gorffennaf 2012

Gwasanaeth asesu sgiliau ar-lein Cyswllt Ffermio wedi ei lansio yn Sioe Frenhinol Cymru

Gwasanaeth asesu sgiliau ar-lein Cyswllt Ffermio wedi ei lansio yn Sioe Frenhinol Cymru  Gall ffermwyr Cymru fynd ar-lein ac asesu pa sgiliau sydd angen iddynt ddatblygu, diolch i wasanaeth asesu newydd a lansiwyd yn Sioe Frenhinol Cymru eleni.  Mae gwasanaeth asesu ar-lein wedi’i gynllunio i helpu teuluoedd fferm i adnabod anghenion hyfforddi yn effeithiol a chyflym. Lansiwyd y gwasanaeth newydd gan Alun Davies AC, y Dirprwy Weinidog dros Amaethyddiaeth, Bwyd, Pysgodfeydd a Rhaglenni Ewropeaidd yn Adeilad Lantra.  “Mae’r gwasanaeth ar-lein yma yn gyflym ac yn effeithiol, a gall ffermwyr ei ddefnyddio o’u cartrefi, ar amser sy’n gyfleus iddyn nhw.” Roedd y gweinidog o’r farn mai un o’r pethau pwysicaf y gall ffermwyr ei wneud yw datblygu eu sgiliau, a sgiliau y gweithlu neu aelodau o deuluoedd fferm sy’n gweithio yn y busnes.

• Darllen mwy

13 Gorffennaf 2012

Cyswllt Ffermio yn Sioe Frenhinol Cymru

Lleoliad: 23-26 Gorffennaf 2012 Adeilad Lantra, Rhodfa K Cyswllt Ffermio – Cymorth un-i-un, cyngor, arweiniad a hyfforddiant i fusnesau ffermio a choedwigaeth.  Ymunwch â ni yn Sioe Frenhinol Cymru am fwy o wybodaeth aM: Ein Asesiad Sgiliau Ar-lein newydd Cynllun y Fferm Gyfan; Gwasanaeth Cynghori Ffermwyr; Rhaglen Datblygu Sgiliau - 80% o gymhorthdal  Ein ffermydd arddangos dros Gymru Clinig Adnewyddadwy Cyswllt Ffermio - Dydd Mawrth 24 o Orffennaf 2012 9.00yb – 5.30yh  Pafiliwn Gwyrdd, Sioe Frenhinol Cymru - Stondin E408 Un awr o gyngor rhad ac am ddim ar ynni adnewyddadwy gyda’r ymgynghorydd ynni  adnewyddadwy, Tobi Kellner o’r Ganolfan y Dechnoleg Amgen (CAT) Mae’n hanfodol eich bod yn sicrhau lle i’r Clinig Adnewyddadwy.

04 Gorffennaf 2012

Entrepreneur yn Galw ar yr Arbenigwyr er mwyn Bachu Gwerthiant Pysgod Uwch

Mae twf yn y galw gan gwsmeriaid am bysgod ffres wedi’u dal yn lleol wedi annog entrepreneur arobryn i ehangu adran gwerthu pysgod ei siop EUROSPAR brysur yn Nolgellau.   Wedi prynu cownter pysgod ffres mwy o faint i’r siop, penderfynodd Pencampwr Cymru: Y Gwir Flas, Conrad Davies fuddsoddi mewn cynyddu sgiliau a gwybodaeth staff er mwyn gwella’r gwasanaeth a’r cyngor a roddir i gwsmeriaid.   Gyda chefnogaeth gan Lywodraeth Cymru fel rhan o’r rhaglen Datblygu Masnach, cynhaliodd yr arbenigwr Adam Whittle o Ysgol Bwyd Môr enwog Billingsgate yn Llundain a Gill Reacord, perchennog y gwerthwr pysgod arobryn Gill’s Plaice yn Nhywyn ac Aberdyfi, gwrs undydd yng Ngholeg Meirion Dwyfor yn Nolgellau.   Mynychodd naw aelod o staff, dau ddarlithydd o’r coleg a Mr Davies ei hun y cwrs.  

• Darllen mwy

Tiwtorial TAW ar lein

18 Mai 2012

Academi Amaeth - Rhaglen Arweinyddiaeth Gwledig

Rhaglen Arweinyddiaeth Gwledig - Academi Amaeth - lawnsiwyd yn y Ffair Wanwyn. Am fwy o wybodaeth ewch i dudalen Academi Amaeth neu cysylltwch â bethan.arch@menterabusnes.co.uk

Cyswllt Ffermio

• Darllen mwy

Cywain

• Darllen mwy