Cyflwyniad i Fwrdd Da Byw NFU Cymru

Ar yr 8fed o Ragfyr 2011 rhoddwyd cyflwyniad am brosiect TAG i Fwrdd Da Byw NFU Cymru mewn cyfarfod misol. Mae’r bwrdd yn cynnwys aelodau sydd wedi eu hethol o wahanol siroedd yng Nghymru.

Prif bwrpas y cyflwyniad oedd cyfarwyddo aelodau o’r bwrdd gydag amcanion y prosiect aa rhoi gwybod iddynt am y datblygiadau diweddaraf.. Y prif ddatblygiadau o ddiddordeb i’r bwrdd oedd:

• Effeithiolrwydd a chywirdeb darllenydd EID mewn lladd-dy ŵyn
• Dibynadwyedd tagiau EID
• Dibynadwyedd offer EID

Esboniodd Cyfarwyddwr y prosiect fod TAG yn cael ei ystyried fel prosiect peilot gyda strwythur dyrys sydd yn cynnwys nifer o bartneriaid o fewn y diwydiant. Ychwanegodd bod y prosiect wedi ei sefydlu mewn cyfnod lle bu gwrthwynebu mawr i gyflwyniad EID fel rhan o reolau traws gydymffurfio.

Yn ystod yr wythnosau cyn y cyfarfod cwblhawyd nifer o agweddau yn gysylltiedig â rhwydwaith cyfathrebu gwybodaeth y prosiect gan gynnwys:

• Datblygiad y bâs data
• Datblygiad meddalwedd ffarm
• Cysylltu meddalwedd darllen tagiau yn y lladd-dy gyda systemau meddalwedd eraill

Mae'r agweddau hyn wedi cymeryd amser i’w sefydlu yn enwedig o safbwynt i gywirdeb data. Ni fyddai hyn wedi bod bosib oni bai am ymrwymiad a chefnogaeth partneriaid allanol. Mae’r broses hon wedi arwain at gysylltiadau cryfach ar hyd y gadwyn gyflenwi.

Gwneir defnydd o brosiect TAG gan amrywiol gyrff, gan gynnwys Llywodraeth Cymru wrth ddelio gydag Ewrop ynglŷn ag EID yn ogystal â menter Grŵp 'Working Smarter’. Bydd gweddill cyfnod y prosiect yn cael ei dreulio yn datblygu defnydd y ffermwyr o’r system sydd mewn lle, yn ogystal a chodi ymwybyddiaeth o fuddiannau a chanfyddiadau cofnodi perfformiad i weddill y diwydiant yng Nghymru.