Mae cynhyrchwyr gwin wedi cymryd y camau cyntaf tuag ag ailffurfio Cymdeithas Gwinllannau Cymru i hyrwyddo’r diwydiant hwn sydd ar gynnydd yng Nghymru.
Daeth cynhyrchwyr o 10 o’r 17 gwinllan yng Nghymru i weithdy marchnata a drefnwyd gan Lywodraeth Cymru yng Ngwinllan Llanerch ym Mro Morgannwg i drafod cynlluniau ar gyfer Wythnos Gwin Cymru i’w chynnal rhwng 25 Mai a 2 Mehefin.
Roedd cynrychiolwyr o Ancre Hill Estates, Trefynwy; Gwinllan Bryn Ceiliog, Lecwydd; Gwinllan Llanerch, Hensol; Gwinllan Glyndwr, Y Bont-faen; Gwinllan Jabajak, Llanboidy; Gwinllan Llaethlliw, ger Aberaeron; Fferm Parva, Tyndyrn; Gwinllan Sugarloaf, Y Fenni; Gwinllan White Castle, ger Y Fenni a Gwinllan Cwm-Deri, Arberth yn bresennol.
