Ethos mentrus a phositif sydd yn sicrhau bod cyfraniad Menter a Busnes at ddatblygiad yr economi yng Nghymru mewn nifer o wahanol sectorau yn un allweddol, gan gynorthwyo unigolion a chwmniau bach a mawr i ychwanegu gwerth, i dyfu ac i ddatblygu eu potensial economaidd. Ceisiwn arwain y ffordd trwy edrych yn barhaus am gyfleoedd i ehangu ein gorwelion a’r gwasanaethau a gynigiwn er mwyn tyfu ein busnes.
Mae gan ein budd-ddeiliaid – cleintiaid, cyrff cyhoeddus a’r cyhoedd - ddisgwyliadau uchel o’n staff ac rydym yn cydnabod mai ein staff sy’n galluogi’r cwmni i ddarparu ein holl wasanaethau yn broffesiynol ac i safon uchel. Oherwydd hynny mae Menter a Busnes yn ymrwymo i ddenu , datblygu a chadw staff talentog trwy gynnig amodau gwaith deniadol:
- Cyflogau cystadleuol
- Cynllun pensiwn o ansawdd
- Cynllun perfformiad gyda thâl cyrhaeddiad ychwanegol
- Cyfleoedd i ddatblygu a hyfforddi
- Polisïau a gweithdrefnau teg
- Cynllun Ffitrwydd
- Gweithle hwyliog lle mae bobl yn gweithio’n galed ac yn mwynhau
- Cyfle i bobl ddefnyddio ac ymarfer eu Cymraeg
- Cyflogwr Safon Aur Buddsoddwyr Mewn Pobl
Dewch i ymuno â’r tîm!
- Mewngofnodi neu cofrestru i gofnodi sylwadau.